Ишбулатов Рәхмәтулла Зәһиҙулла улы – һуғыш һәм хеҙмәт ветераны, яугир, ауылдаштары араһында ҙур абруй ҡаҙанған аҡһаҡал, Баймаҡ районы Темәс аулында 1920–се йылда тыуған. 8-се синыфты тамамлағас та Түбә руднигында хеҙмәт юлын башлай.
1940-сы йылда әрмегә алына. Алыҫ Көнсығышта, Хабаровскийҙа хеҙмәт итә. 1942-се йылда, һуғыштың ин көслө барған еренә ебәрелә уларҙың частары. Һауа ғәскәрҙәре сафында һуғыштарҙа ҡатнаша. Отделение командиры булып хеҙмәт итә. Ике тапҡыр ҡаты яралана. Разведкала күрһәткән батырлыҡтары өсөн ”Ҡыҙыл йондоҙ”, Бөйөк Ватан һуғышы ордендары һәм күп миҙалдар менян бүләкләнә. Һуғыштан һуң төҙөүсе булып әшләй. Ауылда, Темәстә өйҙәр төҙөй, ауылдаштарының ихтирамын яулай ул. Пенсияға сыҡҡас та тик ятмай, Темәс ауылында мәсет төҙөшәргә ярҙам итә. 15 йылға яҡын мулла вазифаһың ихлас башҡара. Бөгөн Рәхмәтулла Зәһиҙулла улы яныбыҙҙа юҡ, әммә уның хаҡта иҫтәлек һәр саҡ беҙҙең менән.
Бөтә ауылдаштары, туғандары, дуҫтары исеменән “Урының йәннәттә булһын, хөрмәтле акһакалыбыҙ!” тип әйтергә теләйбеҙ.
